Myndlistarmaðurinn Arna Gunnarsdóttir og lögfræðingurinn Róbert Spanó hafa fest kaup á rúmgóðri og bjartri íbúð í Vesturbæ Reykjavíkur. Um er að ræða 210 fm íbúð á tveimur hæðum ásamt bílskúr. 

Íbúðin er sérlega björt og falleg og státar af sjarmerandi innréttingum sem eru að hluta til upprunalegar. Búið er að skipta um gólfefni en loftlistar og gólflistar setja svip sinn á íbúðina. Gólfin í íbúðinni eru líka sérlega falleg. Í íbúðinni eru samliggjandi stofur og í kjallara eru herbergi og baðherbergi. 

Arna og Róbert keyptu íbúðina á 152.000.000 kr. en ásett verð var 157.900.000 kr. Þau keyptu íbúðina af Maríu Rán Guðjónsdóttur bókaútgefanda í Angústúru og Sigurjóni Árna Guðmundssyni verkfræðingi. 

Smartland óskar Örnu og Róberti til hamingju með íbúðina! 

Íbúðin er við Kvisthaga í Reykjavík.

Fallegir gluggar prýða íbúðina en húsið sjálft var reist 1952.

Íbúðin er björt og falleg.