Kourtney Kardashian og eiginmaður hennar Travis Barker eignuðust sitt fyrsta barn saman á síðasta ári eftir að hafa reynt í þrjú ár. Ferlið var ekki auðvelt fyrir hjónin sem fóru í gegnum nokkrar frjósemismeðferðir áður en Kardashian varð ófrísk. 

Á dögunum opnaði Kardashian sig meira um ferlið og sagði frá því að hún hafi farið í gegnum fimm glasafjóvgunarmeðferðir og þrjár eggheimtur áður en hún varð óvænt ófrísk með náttúrulegum hætti.

Frétt af mbl.is

Sonur Kardashian og Barker fæddur

Frétt af mbl.is

Varð ólétt án aðstoðar

Hætti eftir að hafa reynt í eitt ár

Spurð hvernig hún hafi fundið styrkinn til að halda áfram í ferlinu svaraði Kardashian: „Ég hætti eftir að hafa reynt í eitt ár (fimm misheppnaðar glasafrjóvgunarmeðferðir, þrjár eggheimtur) líkaminn minn náði að slaka á og ég trúði á vegferðina sem Guð hefur gert fyrir líf mitt.“

Þá segir hún bænir og trúna hafa hjálpað sér mikið í gegnum ferlið, en á sama tíma hafi verið mikilvægt fyrir hana að huga að heilsunni.

Frétt af mbl.is

Búin að gefast upp á tæknifrjóvgun

Ferlið reyndi á bæði andlega og líkamlega

Kardashian og Barker hafa verið áberandi í fjölmiðlum frá því ástarsamband þeirra hófst, en þau gengu í það heilaga við glæsilega athöfn í rándýrum kastala á Ítalíu árið 2022.

Frá því hjónin tilkynntu að þau væru að reyna við barneignir hafa þau talað opinskátt um ferlið, en það reyndist þeim báðum erfitt bæði andlega og líkamlega. 

Frétt af mbl.is

Brúðkaup ársins haldið í rándýrum kastala