Bandarísku leikarahjónin Andy Karl og Orfeh eru að skilja eftir 23 ára langt hjónaband. Ástæða skilnaðarins er sögð vera framhjáhald.

Karl, einn þekktasti og eftirsóttasti sviðsleikari í heimi, fór með aðalhlutverkið í áströlsku uppsetningu á söngleiknum Groundhog Day, byggður á kvikmynd að sama nafni.

Leikarinn er sagður hafa haldið framhjá eiginkonu sinni með mótleikkonu sinni, hinni áströlsku Elise McCann. Rómantískt samband þeirra á að hafa byrjað fljótlega eftir að leikarinn flutti tímabundið til Melbourne í Ástralíu, en sýningar á söngleiknum hófust í janúar.

Að sögn heimildarmanna þá flaug Orfeh til Ástralíu í febrúar til að njóta samverustunda með eiginmanni sínum, en hana var þá farið að gruna að ekki væri allt með feldu. Í lok heimsóknarinnar tilkynnti Karl eiginkonu sinni að hjónabandi þeirra væri lokið og að hann væri ástfanginn af annarri konu.

Karl og Orfeh tilkynntu um skilnað sinn á Instagram nú á dögunum. Leikarinn sást örfáum dögum seinna á rölti um götur New York-borgar ásamt ástkonu sinni.