Bandaríski leikarinn Ben Affleck mætti einsamall í útskrift elsta barns síns á mánudag. Eiginkona hans, söng- og leikkonan Jennifer Lopez, var hvergi sjáanleg í útskrift stjúpdóttur sinnar en leikkonan hefur verið önnum kafinn við að kynna nýjustu kvikmynd sína, Atlas, síðastliðnar vikur.

Fjarvera Lopez kynti undir vangaveltur og sögusagnir um skilnað Hollywood-hjónanna en parið hefur lítið sést saman undanfarið. 

Frétt af mbl.is

Hafa ekki sést saman í 47 daga

Frétt af mbl.is

Mætti einsömul á frumsýningu

Ljósmyndari náði myndum af Affleck er hann mætti á athöfni dóttur sinnar í Los Angeles og var leikarinn hversdagslegur til fara, klæddur ljósum jakkafatajakka, gallabuxum og leðurstígvélum. Sérstaka athygli vakti að Affleck var með giftingarhringinn.

Affleck og Lopez áttu í ást­ar­sam­bandi á ár­un­um 2002 til 2004. Þau tóku sam­an aft­ur árið 2021, eft­ir 17 ára aðskilnað, og gengu í hjóna­band tæpu ári síðar í Las Vegas. 

Frétt af mbl.is

Fyrrverandi vill að hjónabandið gangi upp