Júnímánuður er framundan með tilheyrandi sólarlandaferðum. Það er fátt sem við Íslendingar kunnum að meta jafn mikið og sólríkan dag á ströndinni eftir kaldan og dimman vetur á klakanum. Því prýða óskalista vikunnar tíu vörur sem er ómissandi að taka með sér á ströndina!

Ómissandi fyrir strandarferðina!

Það er ómissandi að vera með gott handklæði meðferðis á ströndina, bæði til að geta legið á en líka til að þurrka sér með eftir að maður kælir sig í sjónum. Það skemmir að sjálfsögðu ekki fyrir ef handklæðið er fallegt, en þetta röndótta handklæði frá Tekla klikkar í öll boxin.

Handklæði frá Tekla fæst hjá epal og kostar 8.500 krónur. Ljósmynd/Teklafabrics.com

Þægilegt og praktískt!

Fallegar „oversized“ skyrtur eru ekki bara flottar heldur líka praktískar fyrir sólarlandaferðina. Það er auðvelt að henda þeim yfir bikiníið á leiðinni á og frá ströndinni, en svo er líka hægt að nota þær við stuttbuxur eða pils til að rölta um bæinn.

Skyrta fæst hjá Zara og kostar 4.595 krónur. Ljósmynd/Zara.com

Innblástur frá Stokkhólmi!

Hver er ekki til í að fá innblástur frá tískugyðjunum í Stokkhólmi? Þessi flottu sólgleraugu eru úr samstarfslínu Corlin, en þau eru innblásin af Stokkhólmi og setja punktinn yfir i-ið á hvaða lúkki sem er. 

Sólgleraugu frá Corlin fást hjá Sis Bis og kosta 15.990 krónur. Ljósmynd/Sisbis.is

Litagleði og smáatriði!

Úrvalið af sundfötum hefur líklega sjaldan verið betra – það liggur við að því fylgi smá valkvíði. Með því að velja stílhrein sundföt í skemmtilegum lit getur þú verið viss um að slá í gegn, en þar að auki eru skemmtileg smáatriði á þessu bikiníi sem gleðja augað.

Bikiní fæst hjá H&M. Toppurinn kostar 1.940 krónur og buxurnar 1.790 krónur. Ljósmynd/Hm.com

Sumartaskan í ár!

Það er nauðsynlegt að eiga góða strandartösku fyrir sumarið. Þessi er í akkúrat réttri stærð og kemur í nokkrum fallegum litum.

Strandtaska frá Becksöndergaard fæst hjá Boozt og kostar 9.969 krónur. Ljósmynd/Becksondergaard.com

Það allra mikilvægasta!

Ef það er eitthvað sem þú verður að taka með þér á ströndina, þá er það góð sólarvörn. Þessi vörn frá EVY er sérstaklega gerð fyrir viðkvæma húð og kemur í nokkrum styrkleikum, en hana má nota bæði á líkamann og í andlitið. 

Sólarvörn frá EVY fæst hjá Lyfju og kostar 3.529 krónur. Ljósmynd/50-ml.com

Það allra heitasta!

Það stefnir allt í að heklaðar vörur verði það allra heitasta í sumar, bæði í sundfatnaði en líka í sumarfatnaði. Þetta pils er ómissandi í fríið – skelltu þér í það eftir góðan dag á ströndinni og þú ert tilbúin í kvöldið.

Heklað pils fæst hjá Gina Tricot og kostar 12.895 krónur. Ljósmynd/Ginatricot.is

Bókin sem þú nærð að klára!

Hver kannast ekki við að taka með sér bók til að lesa á ströndinni sem endar svo á því að vera ofan í tösku alla ferðina? Þessi bók er fullkomin í fríið því hún er hæfilega löng og þú munt ekki geta lagt hana frá þér!

Eyja eftir Ragnhildi Þrastadóttur fæst hjá Pennanum Eymundsson og kostar 3.699 krónur. Ljósmynd/Penninn.is

Stílhreint og smart!

Það verða allir að eiga góða sandala sem eru stílhreinir og smart. Þessir ættu að falla vel í kramið hjá fagurkerum landsins!

Sandalar fást hjá Zara og kosta 8.995 krónur. Ljósmynd/Zara.com

Kúrekasumarið mikla!

Tískusérfræðingar hafa spáð því að kúrekasumarið mikla sé framundan og því er vel við hæfi að fjárfesta í góðum strandhatt í kúrekasniði!

Hattur fæst hjá Ethic og kostar 4.900 krónur. Ljósmynd/Ethic.is