Norður-Kóreumenn skutu fyrr í kvöld um tíu skammdrægum eldflaugum í tilraunaskyni. Lentu flaugarnar í hafinu austan við Kóreuskagann. 

Herráð suðurkóreska hersins sagði að eldflaugarnar hefðu flogið um 350 kílómetra áður en þær lentu í sjónum, og að herinn væri að meta upplýsingarnar ásamt Bandaríkjamönnum og Japönum. 

Frétt af mbl.is

Sendu loftbelgi fulla af rusli og dýraskít

Þá sagði að tilraunaskotið hefði verið ögrun og „alvarleg ógn við frið og stöðugleika á Kóreuskaganum“. 

Fyrr um daginn sendu Norður-Kóreumenn loftbelgi með rusli, klósettpappír og dýraskít yfir landamærin, og hét Kim Yo-jong, systir einræðisherrans Kim Jong-un, því að fleiri slíkir belgir yrðu sendir á næstunni.