Áslaug Hulda Jónsdóttir matgæðingur er næsti viðmælandi matarvefsins til að upplýsa dagskrá sína á kjördag sem fram undan er á morgun, laugardaginn 1. júní næstkomandi. Áslaug Hulda er þekkt fyrir matarást sína og líka fyrir að halda skemmtilegustu matarboðin, gleðin er ávallt við völd þegar Áslaug Hulda er annars vegar. Hún er líka mikil áhugamanneskja um kosningar og finnst fátt hátíðlegra en að mæta að kjörstað og nýta kosningaréttinn.

„Dagurinn minn hefst í FG, Fjölbrautaskólanum í Garðabæ, með útskriftarnemendum, fjölskyldum þeirra og starfsfólki þar sem ég mun halda ræðu sem formaður skólanefndar. Það er alltaf eitthvað töfrandi við hvítu kollana í útskriftum og ég fyllist bjartsýni í hvert sinn.

 Í framhaldi mun ég síðan skunda á kjörstað. Yngri strákurinn minn er að taka þátt í sínum fyrstu kosningum á kjördag og dagurinn verður því sérstaklega ánægjulegur.

Mér finnast kosningar alltaf hátíðlegar og gaman að fara á kjörstað. Undanfarinn finnst mér ekki síðri enda elska ég kosningabaráttur og flest sem þeim fylgir. Þessi kosningabarátta er búin að vera löng og áhugaverð en uppi stendur að öflugir og ólíkir einstaklingar gefa kost á sér í embætti forseta Íslands.  Þetta er spennandi lýðræðisveisla.“

Frétt af mbl.is

Troðið út úr dyrum í brauðtertukeppni Katrínar Jakobs

Hver elskar ekki marens og majó?

Ætlar þú að mæta í kosningakaffi á kjördag?

„Já, ég ætla að kíkja í kosningakaffi Katrínar sem verður haldið í Sjálandi í Garðabæ. Hver elskar ekki marens og majó.“

Hvað finnst þér mest heillandi á kosningakaffihlaðborðið?

„Ég ræð ekkert við mig í kringum heita brauðrétti – verð í raun stjórnlaus og ég er ekki ein. Brauðtertur og heitir réttir klárast alltaf fyrst í öllum góðum boðum,“ segir Áslaug Hulda sem enda með ástríðu fyrir ljúffengum kræsingum.

Frétt af mbl.is

Brauðréttirnir sem þykja þeir allra bestu

Frétt af mbl.is

Brauðrétturinn sem sló í gegn

Naut með koníaksbættri piparsósu

Ertu búin að ákveða matseðilinn fyrir kvöldverðinn á kjördag?

„Það verður matarboð heima hjá mér á kjördag enda á enginn að láta góða lýðveldisveislu fram hjá sér fara. Við bjóðum upp á naut með koníaksbættri piparsósu og sennilega verður hnoðað í nýstárlega hjónabandssælu sem við berum fram heita með íslenskum ís.“

Á að mæta í kosningapartí?

„Ef ég þekki mína vini rétt þá endar þetta matarboð í góðu kosningapartíi að hætti hópsins.“