Shiloh Jolie-Pitt, leikkona og dóttir fyrrverandi leikarahjónanna Angelinu Jolie og Brad Pitt, fagnaði 18 ára afmæli sínu með því að sækja formlega um að heita ekki lengur eftirnafninu Pitt. Þegar nafnabreytingin verður formlega samþykkt mun hún heita einfaldlega Shiloh Jolie. 

Aðeins fáeinir dagar eru liðnir síðan yngri systir hennar Vivienne Jolie, 15 ára, gaf það skýrt fram að hún vildi ekkert gera með nafn föður síns. Vivienne, sem er meðframleiðandi Broadway-sýningarinnar The Outsiders ásamt móður sinni, harðneitaði að eftirnafnið Pitt yrði birt á leikskrám verksins en þar er hún skráð sem Vivienne Jolie.

Frétt af mbl.is

Vivienne Jolie-Pitt breytti nafninu sínu

Börn Pitt og Jolie eru sex talsins en auk Shiloh og Vivienne hafa systkynin, Zahara, 19 ára og elsti sonurinn, Madox, 22 ára, ekki notað Pitt nafnið opinberlega í langan tíma. Systkynin vilja minnka tengsl sín við föður sinn en hann er sagður hafa beitt Jolie ofbeldi þegar þau voru í hjónabandi.

Frétt af mbl.is

Vill hætta að kenna sig við Pitt

Aðeins þeir Pax og Knox bera enn eftirnafn föður síns. 

Allt lítur út fyrir að Shiloh sé sú eina úr systkinahópnum sem hefur tekið málið alla leið í réttarsalinn.

Jolie og Pitt áttu í ástarsambandi í 14 ár og gift í tvö en skildu árið 2016. Síðan þá, hef­ur Pitt hægt og bít­andi misst sam­band við börn­in sem hann á með Jolie en leik­kon­an hef­ur for­ræði.

Frétt af mbl.is

Zahara Marley hætt að kenna sig við Pitt

Page six