Marga dreymir um að eignast einbýlishús en þeim fylgir oftar en ekki aðeins dýrari verðmiði. Á fasteignavef mbl.is eru þó til sölu einbýli á breiðu verðbili sem kosta allt frá 7.000.000 krónum og upp í 520.000.000 króna.

Smartland tók saman fimm fantaflott einbýli sem kosta undir 75 milljónir, en eignirnar eiga það sameiginlegt að vera sjarmerandi.

Sæland 4

Á einstökum útsýnisstað á Grenivík er til sölu fallegt einbýlishús sem upprunalega var reist árið 1963 en hefur nú verið endurnýjað frá a til ö. Eignin telur 136 fm og státar af tveimur svefnherbergjum og einu baðherbergi. Í stofunni eru gríðarstórir og formfagrir gluggar og aukin lofthæð sem setja án efa punktinn yfir i-ið. 

Ásett verð er 74.900.000 krónur. 

Sjá á fasteignavef mbl.is: Sæland 4

Frá húsinu er guðdómlegt útsýni yfir sjóinn og til fjalla, enda er Grenivík mikil náttúruperla. Samsett mynd

Karlsrauðatorg 4

Við Karlsrauðatorg á Dalvík er til sölu sjarmerandi einbýlishús sem reist var árið 1909, en í dag hefur húsið verið tekið í gegn í umsjón sérfræðinga í uppgerð á gömlum húsum. Heillandi litapalletta einkennir húsið sem er 146 fm að stærð og státar af fjórum svefnherbergjum og tveimur baðherbergjum. 

Ásett verð er 65.000.000 krónur. 

Sjá á fasteignavef mbl.is: Karlsrauðatorg 4

Heillandi litapalletta, málaður panill á veggjum og fallegir loftbitar gleðja augað. Samsett mynd

Nesgata 5

Við Nesgötu á Neskaupsstað er til sölu glæsilegt og sögufrægt einbýli sem reist var árið 1895. Húsið er norskt katalog hús og var upphaflega heimili og verslun. Í gegnum tíðina hefur það verið nýtt á ýmsan hátt, til dæmis sem heimavist, félagsaðstaða eldri borgara og nú síðast sem menningarheimili með vinnustofum listamanna. Eignin telur alls 300 fm og hefur verið gerð upp á afar sjarmerandi máta, en alls eru sex svefnherbergi og þrjú baðherbergi í húsinu.

Ásett verð er 69.500.000 krónur.

Sjá á fasteignavef mbl.is: Nesgata 5

Húsið hefur verið innréttað á sjarmerandi máta. Samsett mynd

Ægissíða 18

Við Ægissíðu á Grenivík er til sölu fagurt 104 fm einbýlishús sem stendur á einstakri 525 fm sjávarlóð með ótrúlegu útsýni. Húsið var reist árið 1922 en hefur hlotið þó nokkrar endurbætur á síðustu árum og óhætt að segja að aðkoman að húsinu sé sérlega heillandi.

Ásett verð er 41.500.000 krónur. 

Sjá á fasteignavef mbl.is: Ægissíða 18

Útsýnið er sannarlega ekki af verri endanum! Samsett mynd

Austurvegur 43

Á fallegum útsýnisstað á sunnanverðri Hrísey er til sölu 121 fm einbýlishús sem reist var árið 1940. Frá húsinu er einstakt sjávar- og fjallasýn um Eyjafjörðinn, en alls eru þrjú svefnherbergi og tvö baðherbergi í húsinu. 

Ásett verð er 48.000.000 krónur. 

Sjá á fasteignavef mbl.is: Austurvegur 43

Frétt af mbl.is

Dreymir þig um að búa á perlu Eyjafjarðar?

Húsið er á fallegum útsýnisstað með útsýni yfir Eyjafjörðinn. Samsett mynd