„Ég tel að þetta hafi verið rétt niðurstaða og eftir væntingum umbjóðanda míns,“ segir Elimar Hauksson, lögmaður Kolbeins Sigþórssonar, sem var sýknaður um kynferðisofbeldi í garð barns í Héraðsdómi Reykjaness í dag. 

Dómurinn var fjölskipaður líkt og gjarnan er þegar meta á trúverðugleika aðila máls. Þrír dómarar stóðu að niðurstöðunni. 

Frétt af mbl.is

Kolbeinn sýknaður

Héraðssaksóknari ákærði í málinu og nú fer það á herðar ríkissaksóknara að ákveða hvort ástæða sé til þess að áfrýja málinu.

Elimar segir að eftir yfirferð dómsins telji hann ólíklegt að honum verði áfrýjað en bendir um leið á það að endanlegt mat á því sé í höndum ríkissaksóknara.

Um var að ræða lokað þinghald og því geta aðilar máls lítið sem ekkert tjáð sig um innihald dómsins. 

Kolbeinn Sigþórsson mbl.is/Árni Sæberg