Leikkonan Berglind Halla Elíasdóttir og Bolli Már Bjarnason, útvarpsstjarna á K100 og uppistandari, hafa sett íbúð sína við Kleppsveg á sölu.

Berglind hefur verið rödd Örnu mjólkurvaranna síðan 2019 og er einnig rödd Íslensks lambakjöts, Local salats og Löðurs. Þá hefur hún talsett tímabundið einstaka auglýsingaherferðir. Síðan 2019 hefur hún verið að talsetja auglýsingar, fræðslumyndbönd og barnaefni. Bolli lærði leiklist í Kvikmyndaskóla Íslands og fór síðan að vinna í auglýsingabransanum. Vorið 2023 lét hann langþráðan draum rætast þegar hann setti upp sína fyrstu sýningu, Hæfilegur, í Tjarnarbíói. Fyrr á árinu gekk hann til liðs við útvarpsstöðina K100 en hann starfar líka sem veislustjóri. 

Frétt af mbl.is

Fimm bestu uppeldisráð Bolla Más

Íbúð Berglindar og Bolla er 71 fm að stærð og er í blokk sem reist var 1959.

Heimili þeirra er vel skipulagt og notalegt. Í eldhúsinu er upprunaleg innrétting sem búið er að poppa upp með nýjum borðplötum og litagleði en hurðar á efri skápum er lakkaðar í rauðum lit. 

Í stofunni eru tveir veggir málaðir með kalkmálningu sem tóna vel við grænan flauelssófa. 

Sjá nánar á fasteignavef mbl.is: Kleppsvegur 18