Það voru ekki bara silkiklútar og bleikir jakkar frá fataversluninni Hjá Hrafnhildi sem settu svip sinn á forsetakosningarnar í ár því íslensk hönnun var fyrirferðarmikil. Halla Tómasdóttir, nýkjörinn forseti Íslands, klæddist íslensku prjónadressi á sunnudaginn þegar hún ávarpaði þjóðina.

Frétt af mbl.is

Hvaðan komu sigurföt Höllu?

Halla Tómasdóttir, Björn Skúlason og börn þeirra Tómas Bjartur og Auður Ína í stofunni heima. Hún klæddist prjónadressi frá As We Grow og dóttirin bol frá Hildi Yeoman. Halla var líka með merki Sjómannadagsráðs í barminum því myndin var tekin á Sjómannadaginn. mbl.is/Eggert Jóhannesson

Halla Tómasdóttir var með hálsmen frá Hlín Reykdal við prjónadressið frá As We Grow.

Hvíta prjónadressið sem Halla Tómasdóttir klæddist á sunnudaginn er þrískipt. Um er að ræða pils, peysu og slá í sama stíl. Prjónafötin eru frá íslenska hönnunarfyrirtækinu As We Grow. Prjónasettið hefur vakið mikla athygli en fleiri konur hafa fallið fyrir peysunni og pilsinu. Leikkonan Ilmur Kristjánsdóttir klæddist gráu setti af sömu gerð í leik­rit­inu Ekki málið eft­ir Marius von Mayen­burg í Þjóðleik­hús­inu en hún var ekki í slá yfir eins og Halla. Á sunnudaginn var Halla með hálsmen hannað af Hlín Reykdal. Halla var líka með hálsmen frá Hlín Reykdal fyrr um daginn þegar hún fór að kjósa.

Frétt af mbl.is

Prinsessan klædd eins og Ilmur og Þórdís Kolbrún

Frétt af mbl.is

Mun kvef Höllu T. setja svip sinn á sumartískuna?

Katrín Jakobsdóttir klæddist kjól frá Anita Hirlekar. mbl.is/Eggert Jóhannesson

Anita Hirlekar og Steinunn

Katrín Jakobsdóttir forsetaframbjóðandi og fyrrverandi forsætisráðherra landsins hefur í gegnum tíðina skartað íslenskri hönnun. Á laugardagskvöldið klæddist hún kjól frá íslenska hönnunarmerkinu Anitu Hirlekar en hún hefur slegið í gegn með kjóla sína sem státa af snotru blómamunstri. Kjólarnir eru klæðilegir og úr góðum efnum. Í kosningabaráttunni sást Katrín nokkrum sinnum í fatnaði frá Steinunni Sigurðardóttur fatahönnuði sem er einn af færustu hönnuðum landsins. Þar má nefna peysur með slaufu og pils með smá kögri að neðan. Það að klæðast íslenskri hönnun er ekki bara fágað og smart heldur styður það við bakið á íslenskum iðnaði. Það er ágætt að hafa það í huga áður en heitustu eftirlíkingarnar eru pantaðar af kínverskum vefsíðum. Það er hvorki fágað né smart.

Ásdís Rán Gunnarsdóttir skartaði eyrnalokkum frá Hlín Reykdal.

Eyrnalokkar frá Hlín Reykdal.

Halla Tómasdóttir var með eyrnalokka frá Hlín Reykdal.