Stjörnuspá Siggu Kling | 7. júní 2024

Sumarspá Siggu Kling komin í loftið

Hvernig verður sumarið hjá þér? Er besta sumar lífs þíns í vændum? Ef þú vilt komast nær sannleikanum þá ættir þú að finna þitt stjörnumerki og athuga hvort Sigga Kling hefur ekki eitthvað til málanna að leggja því splunkuný sumarspá frá henni er komin í loftið.

Sumarspá Siggu Kling komin í loftið

Stjörnuspá Siggu Kling | 7. júní 2024

Sigga Kling er hér í grænni leðurkápu frá Andreu. Ljósmynd/Aldís Pálsdóttir

Þú ert hreinlega tengdur ofurneti!

Hrúturinn er frá 21. mars til 19. apríl.

Elsku Hrúturinn minn, það er búið að vera mikil barátta í kringum þig og það er kannski út af því að þú ætlar að gera allt í einu. Hugurinn er að senda þér mynd í hvert skipti sem þú átt að byrja á einhverju verkefni, þá sérðu í huganum hvar er best að byrja. Skilaboðin sem þú færð eru sterkari og betri þegar þú skilur að þú ert internet.

Á sumum stöðum eða tímum er Internetið þitt ekki alveg nógu gott og líka getur verið að þú skiljir ekki nógu vel skilaboðin, þú kemst að því að þegar líða tekur á að þú ert hreinlega tengdur ofurneti. Þú átt eftir að einfalda lífið þitt og þar að leiðandi sjá miklu betur hvað þú ert að gera, það er góð orka í ástinni því að þú skynjar og veist að ást sem að þróast er miklu betri en einhver skyndigredda og skyndiást því að það er bara eins og skyndibitinn sem fer illa í mann.

Lesa meira

Byrjaðu daginn eins og hann sé sá síðasti!

Nautið er frá 20. apríl til 20. maí.

Elsku Nautið mitt, það er eins og það séu dularfullir tímar í kringum þig þú ert alltaf að hrökkva við að því að þú skilur ekki alveg hvert þú ert að fara eða hvernig þú ætlar að hafa hlutina. Það vill svo merkilega til að sólin er enn þá í Nautsmerkinu og það á hreinlega ekki að vera hægt miðað við kort stjarnanna því að Tvíburar ættu að vera með sólina í sínu merki.

Þetta orsakar það hjá okkur Nautunum sérkennilegar stöður og ævintýri, hafðu það á hreinu að láta ekki hræða þig með einhverri vitleysu, skoðaðu sjálfur málið og taktu ályktanir út frá því hvernig þú sérð þetta allt saman. Sannleikurinn verður þér sendur og þó að þú gætir orðið pirraður í einhverja stund, þá er þetta samt þér til blessunar.

Það er svo mikilvægt að þú vitir að það ert bara þú, þín orka og þín hugsun sem að breytir þínu lífi, ekki stóla á neinn til að tala fyrir þig þú þarft bara að biðja alheimsorkuna og lífsins internet að senda þér réttu orðin og það verður eins og töfrasproti hafi sent þér þvílíka orðheppni þegar þú ert búinn að hreinsa og klára þann haug sem liggur fyrir framan þig þá verður þú eins kátur og beljurnar þegar þeim er hleypt í fyrsta sinn út á vorin.

Lesa meira

Farðu út með ruslið og ekki flokka það!

Tvíburinn er frá 21. maí til 20. júní.

Elsku Tvíburinn minn, þú ert svo tilfinningaríkur, skemmtilegur og frumlegur, þú ert svo sannarlega sumarbarn í allri þinni mynd. Það er svolítið búið að taka á þína andlegu lund, þetta skemmtilega og óvenjulega veðurfar. Þú ert það stjörnumerki sem ert mest beintengdur við veðurfar, flóð og fjöru og allt sem að á jörðinni lifir. Tvíburinn er táknmynd handanna því að hvert stjörnumerki er tengt líkama, Hrútur er höfuðið, Nautið hálsinn og kjálkarnir en þín blessun er fólgin í höndunum.

Þú hefur kraft til að skapa hvort sem að það tengist vinnunni þinni eða hressa við fólk á skapandi hátt og hæfileikar þínir sýna sig betur og betur akkúrat núna. Þú hefur tilfinningu fyrir að vera spenntur án þess að vita fyrir hverju þú ert spenntur, þú ert að líta í kringum þig og virðist alltaf sjá eitthvað nýtt, samt bankar aðeins í höfuðið á þér gömul mistök sem að aðrir hafa verið að skamma þig á einhvern hátt fyrir.

Lesa meira

Sumarið verður eins skemmtilegt og góð þjóðhátíð!

Krabbinn er frá 21. júní til 22. júlí.

Elsku Krabbinn minn, eins og ómótstæðilegur og þú ert þá virðist stundum það vera þannig að þú borðir stress í morgunmat og miklir fyrir þér þessar litlu hindranir sem að þú átt auðvelt með að sparka í burtu.

Þú átt það til að segja að þegar að þessir erfiðleikar, þessi skóli, þessar afborganir eða þessar áhyggjur séu búnar þá verði allt svo miklu betra en staðreyndin er sú að ef þú ert að taka þátt í þessari bíómynd sem kallast lífið þá munu alltaf blasa við þér einhverjir nýir erfiðleikar og stormar en stormarnir eru góðir því þeir eru komnir til að taka til og gleðin verður alltaf yfirsterkari hjá þér.

Lesa meira

Það leysist allt af sjálfu sér!

Ljónið er frá 23. júlí til 22. ágúst.

Elsku Ljónið mitt, þú hefur verið að liggja svolítið undir feldi og verið að bíða eftir því að hlutirnir myndu bara leysast af sjálfum sér og það er svo merkilegt og kemur vel á óvart að það er nákvæmlega það sem gerist að það leysti úr hrærigrautnum og þú þarft ekki að hafa næstum því eins mikið fyrir lífinu og þú hélst.

Það er að léttast orkan þín og þér verður sýnt það að þú fáir það öryggi sem þú leitast eftir, jafnvel tengt búsetu, ástinni og afkomu. Það er í eðli þínu að vera góður við fólk og það kemur þér á óvart hvað mun hjálpa þér og hver mun aðstoða þig.

Gamlir draumar eru að rætast, óskir sem þú settir út jafnvel fyrir svolítið löngum tíma eru að birtast þér. Taktu vel eftir hvað þú átt miklu meiri aðdáendur en þú nokkurn tímann heldur, það kemur hér líka að trúin hvort sem að það sé æðri máttur eða þinn eigin er með ótakmarkað afl eins og eldflaug og þó að þú finnir fyrir viðkvæmni og jafnvel tár geta fallið það er vegna þess að þú ert að rífa ísklakana af hjarta þínu.

Lesa meira

Þú ert eins og frelsisstyttan í New York óhagganleg og sterk!

Meyjan er frá 23. ágúst til 22. september.
Elsku Meyjan mín, þú ert búin að vera að hugsa margt og mikið og dálítið búin að endurskoða hvað þig langar virkilega að gera. Þetta verður gott sumar sem blasir við þér, þú nærð bæði að hvíla þig og hafa það skemmtilegt en það er ekki sjáanlega einhverjar stórkostlegar breytingar fyrr en að haustið kemur með aðra orku inn í líf þitt.

Breytingar eru ekki endilega góðar breytinganna vegna, það er svo dásamlegt að geta fundið frið og vellíðan í hjartanu sínu en það er það sem við öll sækjumst eftir. Fjölskyldutengsl verða nánari, ástin verður betri eða ef það er ekkert jákvætt sem þú sérð við ástina þá er mikill möguleiki að það gæti komið stór sprunga sem að verður erfitt að yfirstíga.

Lesa meira

Gott og gjöfult sumar fram undan!

Vogin er frá 23. september til 22. október.

Elsku Vogin mín, það er búið að vera ansi mikið rok og báturinn þinn hefur ruggað töluvert mikið. Þetta er jafnvel tengt einni manneskju eða fleirum sem að hafa svona mikil áhrif á þig að þú nærð ekki alveg að hugsa rökrétt.

En allir vindar stytta upp um síðir og báturinn kemst á lygnan sjó, þessi atburður eða atburðir gefa þér að lokum hugarró og eflir traust þitt ef þú þarft á því að halda. Þú skalt ekki eltast við glingur og veraldlega vitleysu heldur sjá að þú hefur allt sem þú þarft og ert búinn að vinna fyrir því öllu og getur verið sáttur.

Að sjálfsögðu hefur þú misst eitthvað jafnvel veraldlegt en þú verður jafn fljótur að byggja það upp aftur. Það er bæði hyggjuvit og viðskiptavit sem að þér er gefið og þó þú þurfir kannski að vera leiðinlegur við einhvern til þess að hreinsa til þá er best samt að horfast í augu við það sem er og klára málið.

Lesa meira

Augu þín glitra svo fallega eins og Þingvallavatn!

Sporðdrekinn er frá 23. október til 21. nóvember.

Elsku Sporðdrekinn minn, það er eitthvað svo magnað og merkilegt að gerast í kringum orkuna þína að jafnvel að þér finnist að þú hafir breyst, sért hugrakkari og meira þorinn að leika aðal hlutverkið í þessari bíómynd sem kallast lífið, þér fara nefnilega ekki aukahlutverk.

Þú stendur fastur á þínu og það er hreinlega ekki hægt að vaða í þig né yfir þig, þú endurskipuleggur svo margt sem að eru ekki endilega stór atriði en þegar að mörgum litum atriðum í lífi þínu eru umbreytt verður það svo merkilegt og stórt sem gerist.

Þú hreinsar í burt þær blóðsugur sem hafa tekið orkuna þína því að þú veist það svo vel að skiptir öllu máli hvern þú umgengst og hver fær að vera með þér í þessu partýi. Ef þú ert á lausu og leitandi þá glitra þessi óvenjulegu, fallegu og sexý augu þín eins og Þingvallavatn og það er enginn aðili neitt merkilegri heldur en þú svo minnimáttarkennd hæfir þér ekki hjartagull.

Lesa meira

Geislandi og gefandi tímar í kortunum!

Bogmaðurinn er frá 22. nóvember til 21. desember.

Elsku bogmaðurinn minn, það er æðruleysisbænin sem á svo sannarlega við þig og hún hljómar þannig: Guð gefi mér æðruleysi til þess að sætta mig við það sem ég fæ ekki breytt, kjark til að breyta því sem ég get breytt og vit til að greina þar á milli.

Þessi tími sem að þú ert að fara inn í og horfa á gerir þig vitrari, lætur þig henda í burtu erfiðum samböndum eða ferð og lagar þau til. Það er um þetta tvennt að ræða og þó að einhver hafi gert mistök í kringum þig þá það bara kannski mannlegt eðli.

Lesa meira

Þú þarft ekki að gera neitt!

Steingeitin er frá 22. desember til 19. janúar.

Elsku Steingeitin mín, það er svo margt sem þú þarft að halda utan um en það eru líka svo margir sem vilja halda utan um þig. Þú hefur stundum of mikið stolt til að biðja um aðstoð til að létta þér lífið, það eru allir búnir að vera svolítið uppteknir í kringum þig en þú þarft bara að lyfta upp hendi þá er komið með til þín það sem þig vantar.

Það er svo yfirgnæfandi kraftur yfir þér einn daginn svo daginn eftir ertu alveg búin, leyfðu þér bara að vera eins og öldurnar svona upp og niður og sættu þig við það næstu fimm daga því þá eru svo jákvæðar fréttir og jákvætt fólk að gefa þér blessun.

Þú elskar að ná árangri í því sem þú ert að gera og þér finnst aldrei það sé komið alveg nóg en ég segi eins og fyrirlesarinn Alda Karen, þú ert nóg! Það er búið að vera ævintýralegt lífshlaupið þitt undanfarið svo mikið að gerast svo ekki er hægt að segja að það sé engin atburðarás í gangi. Þetta er sumarið þar sem fjölskylda þín dafnar og þú finnur ró og frið í tengingum við þína nánustu, gefðu eins mikið afl og þú getur í þær tengingar og endurnýjaðu gamlan vinskap því að það er lykilatriði.

Lesa meira

Gefðu sjálfum þér meira svigrúm!

Vatnsberinn er frá 20. janúar til 18. febrúar.
Elsku Vatnsberinn minn, það eru búnir að vera afdrifaríkir atburðir í kringum þig í töluverðan tíma og þú vilt bæði halda í það sem þú hefur og svo viltu líka sleppa mörgu sem þú hefur. Við þetta gerist ringulreið í huganum en það sem gerist næstu þrjár vikurnar að það kemst jafnvægi á þetta allt saman og þú lítur á þessa vegferð þína sem góða reynslu og verður svo ánægður með hlutskiptið þitt.

Þú þarft ekki að óttast neitt því að það er vel hugsað um þig og þú ert líka svo vel tengdur í réttar tíðnir og andlegan heim. Þú gerir fínt í kringum þig og gefur þér tíma til að dekra við þig, lagar hlutina þannig að þú þarft ekki að vinna eins mikið þó þú viljir hafa fjárhaginn og allt þitt á hreinu þá er núna tími til að gefa sjálfum sér meira svigrúm til að vera (To Be).

Lesa meira

Ekki hafa áhyggjur það er óþarfi!

Fiskurinn er frá 19. febrúar til 20. mars.

Elsku Fiskurinn minn, það er alveg sama hvað gerist í þínu lífi það bjargast alltaf. Þú sérð allt svart og enga útkomu samt bjargast allt, þú skalt vandlega fara yfir það sem ég er að segja núna. Að mörgu leyti núna finnst þér ekki nóg vera að gerast af því að þér líður best þegar þú þarft að vera á tánum og hafa marga möguleika.

Það er búið að liggja yfir þér elskan mín áhyggjuský sem gæti tengst fjölskyldumeðlimi eða ástvini en í þessum málum skaltu vera alveg rólegur, það bjargar engu hjá þér að gefa kvíðanum að borða. Þú þarft að útiloka það að þú sért einn um að sjá um þennan eða hugsa um þinn þó að þú haldir áfram að gera það því útkoman verður góð.

Lesa meira