Tónlistarmaðurinn Billy Ray Cyrus, sem er einna þekkt­ast­ur fyr­ir smell­inn Achy Brea­ky Heart, hefur sótt um skilnað frá áströlsku tónlistarkonunni Firerose eftir aðeins 7 mánaða hjónaband. Í skilnaðaskjölum Cyrus stendur að ástæða skilnaðarins sé að hjónin eru of ólík og að Firestone hafi sýnt óviðeigandi hegðun og svikið tónlistarmanninn. 

Þau kynntust við gerð lagsins New Day í júlí 2021 og Firerose opinberaði sambandið í ágúst 2022 í einlægri afmæliskveðju til Cyrus. 28 ára ald­urs­mun­ur er á hjón­un­um, en Cyr­us er 62  ára og Firerose, sem er áströlsk tón­list­ar­kona, er 35 ára göm­ul. Sambandið fór hratt af stað og var parið trúlofað nokkrum vikum eftir að þau hittust fyrst.

Frétt af mbl.is

Nýja eiginkona Cyrus 28 árum yngri

Í október 2023 gengu Firestone og Cyrus í það heilaga og sögðu á samfélagsmiðlum að brúðkaupsdagurinn hefði verið fullkomnari en þau gátu nokkurn tímann hugsað sér.

Cyrus var kvæntur Tish Cyrus í 28 ár og eignuðust þau fimm börn sem eru uppkomin. Cyrus er faðir söngkonunnar Miley Cyrus en systir hennar, Noah Cyrus, hefur líka gert það gott á leik-og tónlistarsviðinu. Hin systkinin eru Brandi, Trace og Brainson. Þar með eru ekki öll börn Cyrus upptalin því hann á líka soninn Christopher Cody með Kristen Luckey en þau áttu í ástarsambandi áður en Cyrus giftsti Tish Cyrus. 

Líf Firerose hefur alltaf snúist um tónlist en hún fluttist til Bandaríkjanna eftir að hún lauk tónlistarnámi sínu heima í Ástralíu. Hún fór fljótlega að gefa út smáskífur en hún var himinlifandi að fá tækifæri til að vinna með Cyrus árið 2021. Eftir það varð hann leiðbeinandi hennar í tónlistinni og ljóst er að þau kolféllu fyrir hvort öðru. Nú er allt annað uppi á teningnum því ástin slokknaði. 

People