Sorphirða | 12. júní 2024
Enn óvíst hvar ný stöð Sorpu verður
Undirbúningsvinna vegna byggingar nýrrar endurvinnslustöðvar Sorpu í Kópavogi hefur frestast. Útlit er fyrir að ekki liggi fyrir fyrr en í haust hvar henni verði fundinn staður.
Enn óvíst hvar ný stöð Sorpu verður
Sorphirða | 12. júní 2024
Setja bókamerki
Undirbúningsvinna vegna byggingar nýrrar endurvinnslustöðvar Sorpu í Kópavogi hefur frestast. Útlit er fyrir að ekki liggi fyrir fyrr en í haust hvar henni verði fundinn staður.
Undirbúningsvinna vegna byggingar nýrrar endurvinnslustöðvar Sorpu í Kópavogi hefur frestast. Útlit er fyrir að ekki liggi fyrir fyrr en í haust hvar henni verði fundinn staður.
Jón Viggó Gunnarsson, framkvæmdastjóri Sorpu, staðfestir í samtali við Morgunblaðið að vinnu starfshóps sem vinnur að því að finna staðsetningu hafi seinkað og ekki megi vænta niðurstöðu fyrr en síðsumars eða í haust.
Verið sé að skoða stöðuna heildstætt og margir spennandi kostir séu á borðinu.
Óvíst um lokun stöðvarinnar við Dalveg
Eins og komið hefur fram í Morgunblaðinu tilkynntu bæjaryfirvöld í Kópavogi stjórnendum Sorpu það árið 2022 að loka þyrfti móttökustöðinni við Dalveg og skila lóðinni eigi síðar en 1. september 2024. Í kjölfarið var skipaður stýrihópur sem átti að finna nýjan stað fyrir Sorpu.
Hópurinn lagði til að stöðinni yrði fundinn staður við Lindakirkju í Kópavogi og kirkjugarðurinn þar yrði minnkaður um einn hektara til að svo mætti verða.
Þær hugmyndir fengu vægast sagt neikvæð viðbrögð. Því var nýr starfshópur skipaður seint á síðasta ári sem skoða átti málin heildstætt. Til stóð að sú vinna yrði kláruð í vor en verkinu er enn ólokið.
Þar sem fram undan eru sumarleyfi lítur út fyrir að niðurstöður verði ekki kynntar í stjórn Sorpu fyrr en síðsumars eða í haust. Ekki hefur verið tekin ákvörðun um að fresta lokun stöðvarinnar við Dalveg af þessum sökum.
Meira má lesa um málið í Morgunblaðinu í dag.
