Uppskriftir | 14. júní 2024
Föstudagspítsan: Fersk og óhefðbundin pítsa Finns
Heiðurinn af föstudagspítsunni á Finnur Prigge nýútskrifaður bakari sem ætti að vera lesendum Matarvefsins vel kunnugur fyrir sínar girnilegu uppskriftir að bakkelsi og fleira ljúfmeti. Hann gerði til að mynda fallegu rauðu tertuna, Ástarblómið, fyrir forsetahjónin Guðna Th. Jóhannesson og Elizu Reid. Hér er hann kominn með uppskriftina að sinni uppáhaldspítsu sem hann gerir frá grunni og mun engan svíkja.
Föstudagspítsan: Fersk og óhefðbundin pítsa Finns
Uppskriftir | 14. júní 2024
Setja bókamerki
Heiðurinn af föstudagspítsunni á Finnur Prigge nýútskrifaður bakari sem ætti að vera lesendum Matarvefsins vel kunnugur fyrir sínar girnilegu uppskriftir að bakkelsi og fleira ljúfmeti. Hann gerði til að mynda fallegu rauðu tertuna, Ástarblómið, fyrir forsetahjónin Guðna Th. Jóhannesson og Elizu Reid. Hér er hann kominn með uppskriftina að sinni uppáhaldspítsu sem hann gerir frá grunni og mun engan svíkja.
Heiðurinn af föstudagspítsunni á Finnur Prigge nýútskrifaður bakari sem ætti að vera lesendum Matarvefsins vel kunnugur fyrir sínar girnilegu uppskriftir að bakkelsi og fleira ljúfmeti. Hann gerði til að mynda fallegu rauðu tertuna, Ástarblómið, fyrir forsetahjónin Guðna Th. Jóhannesson og Elizu Reid. Hér er hann kominn með uppskriftina að sinni uppáhaldspítsu sem hann gerir frá grunni og mun engan svíkja.
„Þetta er mín uppáhaldspítsa, hún er fersk, bragðmikil og fer létt í maga. Á henni er enginn bakaður ostur eingöngu burrata sem er í miklu uppáhaldi hjá mér um þessar mundir. Burrata er ítalskur ostur úr kúamjólk. Hann er samansettur úr tveimur tegundum af ost, ytra lagið er mozzarella sem er fylltur með stracciatella osti og rjóma. Ég er einnig með klettasalat og ferska kirsuberjatómata sem gerir pítsuna einstaklega ferska,“ segir Finnur.
Fersk, óhefðbundin pítsa með burrata osti
Pítsadeig
5 kúlur
Fordeig
(Gert með 2-3 tíma fyrirvara)
- 120 g hveiti
- 120 g volgt vatn
- ½ tsk. þurrger
Aðferð:
- Hrærið öll hráefnin saman með sleikju í hrærivélaskál og leggið til hliðar í 2-3 klukkustundir.
Deig
- Allt fordeigið (sjá uppskrift að ofan)
- 450 ml vatn
- 800 g brauð- eða pítsahveiti
- 20 g salt
- 45 g olía
- 1 1/5 tsk. þurrger
Aðferð:
- Setjið öll hráefnin í hrærivél og hnoðið þar til slétt og fínt deig er myndað, tekur um það bil 10-15 mínútur.
- Látið deigið hvíla í skálinni í um það bil 15 mínútur.
- Skiptið deiginu í 5 hluta, búið til kúlur og setjið í eldfast mót eða bakka.
- Setjið plast yfir og í kæli yfir nótt.
- Takið deigið úr kæli 1-2 tímum fyrir bakstur.
- Hitið ofninn eins mikinn hita og hann kemst í.
- Fletjið út deigið í pítsur og útbúið fyrir bakstur (sjá samsetningu).
- Bakið pítsurnar þar til kantarnir eru komnir með góðan brúnan lit.
Samsetning
Sett á fyrir bakstur
- Pítsasósa
- Beikon
- Svartar ólífur
Setjið á eftir bakstur
- Klettasalat
- Kirsuberjatómatar
- Hakkaður burrata ostur
- Basilíkuolía
- Berið fram á fallegu viðarbretti og njótið í góðum félagsskap.
/frimg/1/49/57/1495796.jpg)
/frimg/1/36/16/1361695.jpg)
