Bjarni Benediktsson forsætisráðherra segir fyrirhugað vantraust gegn Bjarkey Olsen Gunnarsdóttur matvælaráðherra, vera dæmi um hversu lágt menn séu farnir að leggjast, til þess að fanga athygli í stjórnmálum. 

Þingmenn Miðflokksins skoða um þessa mundir hvort að leggja skuldi fram tillögu um vantraust á hendur Bjarkeyjar vegna framganga hennar í hvalveiðimálinu. 

Frétt af mbl.is

Skoða vantraust á Bjarkeyju

Horfir á þetta sömu augum 

Blaðamaður spurði ráðherr­ann út í van­traust­stil­lög­una á kynn­ing­ar­fundi stjórn­valda vegna upp­færðrar aðgerðaáætl­un­ar í lofts­lags­mál­um.

„Ég horfði á þetta með sömu augum og vantrausts sem við felldum fyrir ekki löngu síðan,“ segir Bjarni og vísar til vantrauststillögu Pírata og Flokk fólksins í apríl, sem var felld með 35 atkvæðum gegn 25.

„Hér erum við að tala um nýjasta ráðherra ríkisstjórnarinnar, sem hefur starfað í nokkrar vikur. Mér finnst þetta vera dæmi um það hversu lágt menn eru farnir að leggjast, til þess að fanga athygli í stjórnmálum í dag,“ segir Bjarni.