Sólveig Anna Jónsdóttir, formaður Eflingar, kveðst bjartsýnni en hún hefur verið á niðurstaða náist í kjaradeilu Eflingar og Reykjavíkurborgar. Ef viðræðurnar gangi vel áfram geti farið að draga til tíðinda.

Fundur stendur yfir milli samninganefnda Eflingar og Reykjavíkuborgar og munu þær koma aftur saman á morgun.

„Þetta er svona að mjakast,“ segir Sólveig Anna um stöðu mála en deilunni var í síðustu viku vísað til ríkissáttasemjara.

Frétt af mbl.is

Rétt ákvörðun að vísa deilunni áfram

Bjartsýnni en í síðustu viku

Eins og mbl.is greindi frá er eitt helsta baráttumál Eflingar að deildarstjórar á leikskólum í félaginu fái jafn mikinn undirbúningstíma og deildarstjórar í Félagi leikskólakennara.

Sólveig segir að ekki sé enn búið að ganga frá því máli en að samtal sé í gangi.

Spurð hvort hún sé bjartsýn á að samningar náist fljótlega segir hún:

„Ég er bjartsýnni en ég var í síðustu viku og ef það heldur áfram að ganga vel eins og hefur gert núna í morgun þá mögulega gæti farið að draga til tíðinda fljótlega.“