Lagareldisfrumvarpið ekki í gegn á þessu þingi

Alþingi | 20. júní 2024

Lagareldisfrumvarpið ekki í gegn á þessu þingi

Frumvarpi Bjarkeyjar Olsen Gunnardóttur matvælaráðherra um lagareldi verður frestað fram á haust vegna þess að ríkisstjórnin nær ekki saman um málið í atvinnuveganefnd. Upphaflega stóð til að klára málið fyrir þinglok.

Lagareldisfrumvarpið ekki í gegn á þessu þingi

Alþingi | 20. júní 2024

Til stóð að frumvarp Bjarkeyjar yrði samþykkt á þessu þingi. …
Til stóð að frumvarp Bjarkeyjar yrði samþykkt á þessu þingi. Nú er ljóst að svo verður ekki. mbl.is/Eggert Jóhannesson

Frumvarpi Bjarkeyjar Olsen Gunnardóttur matvælaráðherra um lagareldi verður frestað fram á haust vegna þess að ríkisstjórnin nær ekki saman um málið í atvinnuveganefnd. Upphaflega stóð til að klára málið fyrir þinglok.

Frumvarpi Bjarkeyjar Olsen Gunnardóttur matvælaráðherra um lagareldi verður frestað fram á haust vegna þess að ríkisstjórnin nær ekki saman um málið í atvinnuveganefnd. Upphaflega stóð til að klára málið fyrir þinglok.

Þetta staðfestir Þórarinn Ingi Pétursson, formaður atvinnuveganefndar, í samtali við mbl.is.

„Í gær þá sagði ég að við verðum að fresta þessu fram á næsta þing,“ segir hann um fund atvinnuveganefndar í gærkvöldi og útskýrir að málið verði því ekki klárað á þessu þingi.

Stjórnarliðar ósammála um skattheimtu

Eru það þá stjórnarliðarnir sem ná ekki saman?

„Fyrst og fremst er það meirihluti nefndarinnar sem þarf að komast að sameiginlegri niðurstöðu svo að hægt sé að halda áfram. Þar erum við stödd, við erum ekki búin að ná saman um alla þætti málsins og meðan það er þannig þá getum við ekki haldið áfram með málið.“

Hann segir að þó frumvarpið sé gott í grunninn þá sé það gríðarlega stórt, 137. greinar, og ekki auðvelt að ná sátt um þær allar með þann tíma sem er fyrir hendi.

„Ég get tínt til alveg helling af því en fyrst og fremst er þetta það sem kemur að skattheimtu og gjaldheimtu og hvernig við eigum að haga því. Þar þurfum við bara meiri tíma til að geta farið ofan í það, til að ná utan um það almennilega,“ segir Þórarinn Ingi. 

Þórarinn Ingi Pétursson, formaður atvinnuveganefndar.
Þórarinn Ingi Pétursson, formaður atvinnuveganefndar.
mbl.is