Yellowstone-leikarinn Kevin Costner segist ekki eiga í ástarsambandi við tónlistarkonuna Jewel. Í útvarpsþætti Howard Stern útskýrir hann hvernig misskilningurinn varð til. 

„Við Jewel erum bara vinir. Við höfum aldrei farið á stefnumót,“ sagði Costner. „Hún er sérstök og ég vil ekki, ég vil ekki að þessi orðrómur eyðileggi vináttuna fyrir okkur.“

Kevin Costner. AFP/Zoulerah NORDDINE

Jewel og Costner kynntust þegar þau fóru í sömu einkaflugvél á einkaeyju Ricard Bransons. 

„Ég var allt í einu skilinn. Ég var einstæður faðir og hann hafði boðið mér að koma í tíu ár. Ég sagði allt í lagi ég fer,“ sagði Costner um ferðina til eyju Bransons. Í flugvélinni var Jewel, Harry Potter-stjarnan Emma Watson og sjö aðrir einstaklingar sem voru ekki stórstjörnur eins og þau þrjú. Það vakti hins vegar grunsemdir þegar Costner og Jewel fóru saman í einkaflugvél í frí og komu aftur saman í sömu flugvélinni. 

Nýskilinn Costner

Margt fólk féll hins vegar fyrir orðróminum um samband þeirra, meira segja börnin hans sem hann á með fyrrverandi eiginkonu sinni, Christine Baumgartner. Costner og Baumgartner fóru hvort í sína áttina í fyrra en skilnaðurinn gekk í gegn í febrúar. Þau höfðu verið gift í 18 ár. 

Frétt af mbl.is

Costner vill ekki fjármagna fegrunaraðgerðir fyrrverandi