Það væsir ekki um samfélagsmiðlastjörnurnar Sunnevu Einarsdóttur, Magneu Björgu Jónsdóttur, Evu Einarsdóttur og Birtu Líf Ólafsdóttur þessa dagana, en þær eru staddar í draumafríi í Split í Króatíu um þessar mundir.

Þær hafa verið duglegar að deila myndum og myndböndum frá ferðinni á samfélagsmiðlum, en með þeim eru makar þeirra þeir Benedikt Bjarnason, Ágúst Sveinsson, Jakob Steinn Stefánsson og Gunnar Patrik Sigurðsson. 

Vinkonurnar byrjuðu ferðina á að klæða sig upp smella glæsilegum myndum af sér við sjóinn. Daginn eftir var ferðinni heitið á fallega strönd þar sem þær nutu sín í botn, sleiktu sólina og tóku að sjálfsögðu sjóðheitar bikinímyndir.

Elskar vinkonuferðir á töfrandi slóðir

Sunneva hefur verið dugleg að ferðast með vinkonum sínum á árinu og birta töfrandi ferðamyndir, en hún byrjaði á því að ferðast til Marokkó í febrúar þar sem tökur fóru fram fyrir raunveruleikaþættina LXS.

Í byrjun maí fór hún svo til Svíðþjóðar og síðan fóru þær Sunneva og Birta Líf til New York-borgar seinna í mánuðinum. 

Frétt af mbl.is

Raunveruleikastjörnur Íslands mættar til Marokkó

Frétt af mbl.is

Aðalskvísur landsins flúðu rigninguna

Frétt af mbl.is

Sunneva og Birta á einum af bestu þakbörum New York