„Það sást virkni í gígnum í nótt og óróinn jókst aðeins svo þetta er ekki alveg búið.“

Þetta segir Salóme Jórunn Bernharðsdóttir, náttúruvársérfræðingur á Veðurstofu Íslands, í samtali við mbl.is, en svo virðist vera að eldgosið við Sundhnúkagíga sem hófst 29. maí sé hægt og bítandi að fjara út.

Frétt af mbl.is

Tilraun til að stoppa hraunspýjurnar

„Það sást smá glóð í nótt og gosið tórir enn en maður veit ekki hversu lengi,“ segir Salóme.

Hún segir hraunið halda áfram að flæða yfir varnarvegginn og ekki hafi hægst mikið á því en unnið hefur verið við hraunkælingu við varnargarðana með það að markmiðið að hægja á streyminu. Auk þess hafa jarðýtur og jarðvinnuvélar unnið að því að ýta jarðvegi upp á garðinn.

Frétt af mbl.is

Þorvaldur segir gosið á lokastigi

Að sögn Salóme er mælist ekki mikil gosmóða á svæðinu. Í dag er spáð austlægri vindátt svo ekki ætti að berast mengun í byggð nema þá kannski í Höfnum.