Heimili | 25. júní 2024
Keyptu höll Össurar heitins á undirverði
Við Sæbólsbraut í Kópavogi stendur einstakt 478 fm einbýli sem reist var 1984. Húsið var auglýst til sölu í desember 2023 og var ásett verð 260.000.000 kr. Össur Kristinsson heitinn, stofnandi stoðtækjafyrirtækisins Össurar, festi kaup á húsinu 1996 og fór í miklar endurbætur á húsinu.
Keyptu höll Össurar heitins á undirverði
Heimili | 25. júní 2024
Setja bókamerki
Við Sæbólsbraut í Kópavogi stendur einstakt 478 fm einbýli sem reist var 1984. Húsið var auglýst til sölu í desember 2023 og var ásett verð 260.000.000 kr. Össur Kristinsson heitinn, stofnandi stoðtækjafyrirtækisins Össurar, festi kaup á húsinu 1996 og fór í miklar endurbætur á húsinu.
Við Sæbólsbraut í Kópavogi stendur einstakt 478 fm einbýli sem reist var 1984. Húsið var auglýst til sölu í desember 2023 og var ásett verð 260.000.000 kr. Össur Kristinsson heitinn, stofnandi stoðtækjafyrirtækisins Össurar, festi kaup á húsinu 1996 og fór í miklar endurbætur á húsinu.
Húsið var teiknað af Kjartani Sveinssyni og státar af fögru útsýni yfir Fossvogsdalinn. Húsið var endurhannað og stækkað árið 2001 og samþykkti Kjartan þær breytingar.
Húsið er sérstakt fyrir margar sakir en einn af helstu kostum þess er að húsið er með 12,5 m langri innisundlaug sem er staðsett í kjallara hússins. Á sama stað er heitur pottur sem flísalagður er með bláum mósaíkflísum. Í húsinu er heimabíósalur og er tilgreint í auglýsingu á fasteignavef mbl.is að húsið hafi fengið reglulegt viðhald.
Nú hefur húsið verið selt. Kaupendur þess eru Thomas Már Gregers, sölustjóri Porsche, og Soffía Theódóra Tryggvadóttir, fjárfestingastjóri hjá Brunni. Þau greiddu 210.000.000 kr. fyrir húsið.
Smartland óskar þeim til hamingju með nýja húsið!
