Ofurfyrirsætan Ashley Graham er mikill aðdáandi íslenska fatahönnuðarins Hildar Yeoman. Graham skellti sér í kjól frá Yeoman þegar hún var í fríi á snekkju á dögunum. 

Graham virtist vera stödd í gríska eyjahafinu þegar hún klæddist kjólnum The Frill Dress í mynstrinu Silver Flower. Kjóllinn er léttur og hnésíður með skrauti á annarri hliðinni. Hann er fáanlegur á heimasíðu Yeoman og kostar 49.900 krónur. 

Frétt af mbl.is

Ofurfyrirsæta sjóðheit í íslenskri hönnun í Frakklandi

Graham er ein þekktasta fyrirsæta í heiminum í dag. Þetta er síður en svo í fyrsta skipti sem hún klæðist fötum frá íslenska merkinu. Í vor spókaði sig hún meðal annars um í sundbol frá Yoeman og hefur klæðst einum slíkum á snekkjunni í sumar.