TikTok-myndband þar sem ungur íslenskur maður tekur rottu í fang sér fyrir utan skemmtistað í Reykjavík hefur slegið í gegn í netheimum. 

Rottan virðist þó ekki parsátt með að vera handleikin af manninum og bítur í hönd hans.

Myndbandið hefur fengið yfir 72 þúsund áhorf á miðlinum en myndbandið er tekið upp bak við skemmtistaðinn American Bar í Vallarstræti við Austurvöll. 

Má þar heyra upptökumanninn segja „Þú ert eins og Ron Weasly maður,“ en Ron Weasly, besti vinur Harry Potter í samnefndum bóka- og kvikmyndaflokki, átti einmitt rottu að gæludýri. 

Virðist dýrið í myndbandinu þó að öllum líkindum vera miðbæjarrotta en ekki gæludýr.