Bandaríska leikkonan Christina Applegate birti færslu á samfélagsmiðlasíðunni X, áður þekkt sem Twitter, í gærdag og greindi frá því sem hún vill áorka áður en hún kveður jarðlífið.

Applegate, sem hefur rætt opinskátt um baráttu sína við MS-sjúkdóminn (e. multiple sclerosis) undanfarin ár, greindist með sjálfsofnæmissjúkdóminn snemma árs 2021. 

Frétt af mbl.is

Applegate greind með MS-sjúkdóminn

Stærstu draumar leikkonunnar eru að leika á móti átrúnargoði hennar, leikkonunni Shirley MacLaine, en sú fagnaði 90 ára afmæli sínu í apríl síðastliðnum. Applegate vill einnig taka skot með söng- og leikkonunni Cher. 

Applegate, sem hefur lítið sést á skjánum síðastliðin ár, heldur úti hlaðvarpsþættinum MeSsy ásamt góðvinkonu sinni, leikkonunni Jamie-Lynn Siegler, en hún glímir við sama sjúkdóm og hefur gert síðastliðin 20 ár. Stöllurnar ræða reglulega um það hvernig sé að takast á við daglegt líf með ólæknandi hrörnunarsjúkdóm.

Frétt af mbl.is

Sjúkdómurinn er að buga geðheilsuna