Laxey, félag sem byggir upp landeldi á laxi í Vestmannaeyjum, lauk nýlega 900 milljóna króna viðbótar hlutafjáraukningu sem verður nýtt til að hefja undirbúning á öðrum áfanga í uppbyggingu á landeldi félagsins.
Laxey, félag sem byggir upp landeldi á laxi í Vestmannaeyjum, lauk nýlega 900 milljóna króna viðbótar hlutafjáraukningu sem verður nýtt til að hefja undirbúning á öðrum áfanga í uppbyggingu á landeldi félagsins.
Laxey, félag sem byggir upp landeldi á laxi í Vestmannaeyjum, lauk nýlega 900 milljóna króna viðbótar hlutafjáraukningu sem verður nýtt til að hefja undirbúning á öðrum áfanga í uppbyggingu á landeldi félagsins.
Þetta kemur fram í tilkynningu frá Laxey.
„Áfangi tvö mun bæta 4.500 tonna framleiðslu á laxi við þau 4.500 tonn sem eru nú þegar fullfjármögnuð í áfanga eitt. Alls er stefnt að því að byggja áframeldið upp í sex jafnstórum áföngum,“ segir í tilkynningunni.
Þá kemur fram að ákvörðunin um að fara í hlutafjáraukningu hafi komið til vegna áhuga fjárfesta.
„Ákvörðunin um að fara í þessa hlutafjáraukningu nú var tekin vegna mikils áhuga fjárfesta í framhaldi af 6 milljarða hlutafjárútboði félagsins í apríl á þessu ári. Nýir öflugir hluthafar tóku þátt núna og má þar nefna Farvatn Private Equity og Kontrari, tvö norsk fjölskyldufélög með mikla reynslu af fjárfestingum tengdum fiskeldi,“ segir í tilkynningunni.
Norski fjárfestingabankinn Arctic Securities var umsjónaraðili hlutafjárútboðsins, en Mar Advisors eru fjármálaráðgjafar fyrir LAXEY.