Almannavarnir á Gasasvæðinu segja að Ísraelsher hafi drepið fjóra í árás á skóla í dag. Þetta er í annað skiptið á tveimur dögum sem Ísraelsmenn beina árás sinni að skóla.
Almannavarnir á Gasasvæðinu segja að Ísraelsher hafi drepið fjóra í árás á skóla í dag. Þetta er í annað skiptið á tveimur dögum sem Ísraelsmenn beina árás sinni að skóla.
Almannavarnir á Gasasvæðinu segja að Ísraelsher hafi drepið fjóra í árás á skóla í dag. Þetta er í annað skiptið á tveimur dögum sem Ísraelsmenn beina árás sinni að skóla.
Ísraelsher heldur því fram að árásin hafi beinst að „svæði skólans“ í Gasaborg. Húsnæðið hafi verið nýtt af her Hamas-samtakanna til þess að framleiða vopn.
Hamas segja að fjölskyldur á flótta hafi verið hýstar í húsnæðinu.
Tugir þúsunda Gasabúa hafa leitað skjóls í skólum á vegum Sameinuðu þjóðanna víðs vegar um Gasasvæðið.
Palestínuflóttamannaaðstoð Sameinuðu þjóðanna (UNRWA) hefur lýst yfir hneykslan sinni á endurteknum árásum á starfsstöðvar sínar.
UNRWA segir að 196 starfsmenn frá stofnuninni hafi látið lífið í átökunum, frá 7. október. Þeirra á meðal séu tveir sem létust í árásum Ísraelshers í gær.
Heilbrigðisráðuneyti Palestínu, undir stjórn Hamas-samtakanna, tilkynnti í gær að Ísraelsher hefði drepið 16 manns í loftárásum á UNRWA rekinn skóla í Nuseirat, sem er miðsvæðis á Gasasvæðinu. Þar að auki hafi 75 manns særst í árásunum.
Ísraelsher sakar Hamas-liða og aðra vígamenn um að fela sig í skólum, sjúkrahúsum og öðrum borgaralegum mannvirkjum, en því neita Hamas-samtökin.