„Vinir mínir göntuðust með það á sínum tíma,“ sagði Guðni Th. Jóhannesson, forseti Íslands, í Fyrsta sætinu.

Guðni var kjörinn forseti Íslands í júní árið 2016 og tók formlega við embættinu hinn 1. ágúst sama ár en hann er mikill íþróttaáhugamaður og stundaði sjálfur handbolta og blak lengi vel. 

Barist um hvern miða

Guðni var meðal annars spurður að því hvort hann hefði ákveðið að bjóða sig fram til forsetaembættisins svo það yrði auðveldara fyrir hann að mæta á hina ýmsu íþróttaviðburði.

„Ég hlyti nú að hafa sóst eftir embættinu svo það yrði auðveldara fyrir mig að tryggja mér sæti á vellinum þegar barist er um hvern miða göntuðust þeir með,“ sagði Guðni meðal annars.

Hægt er að hlusta á umræðuna í heild sinni í spil­ar­an­um hér fyr­ir ofan eða með því að smella hér. Þátt­ur­inn er einnig aðgengi­leg­ur á öll­um helstu hlaðvarps­veit­um.

Guðni Th. Jóhannesson. mbl.is/Eyþór