Útvarpsmaðurinn og skemmtikrafturinn Auðunn Blöndal, einnig þekktur sem Auddi Blö, fagnaði 44 ára afmæli sínu í gær á sundlaugarbakkanum í Barselóna á Spáni. 

Auðunn kann svo sannarlega að gera vel við sig en á samfélagsmiðlum má sjá kappann í þaksundlaug, með ískaldan í hönd og í faðmi vel valinna vina. 

Auðunn hefur lengi skemmt þjóðinni á skjánum og í útvarpi en hann hóf ferilinn í sjónvarpsþættinum 70 mínútur á Popp Tíví árið 2001.

Síðan þá hefur hann tekið þátt í fjölmörgum verkefnum tengdum skemmtun og byrjað með sinn eigin útvarpsþátt, FM95Blö, á FM957. Einnig var hann eftirminnilega kynnir í sjónvarpsþáttunum Ísland Got Talent og Allir geta dansað. Hann hefur einnig leikið í Svínasúpunni, Steypustöðini auk þess sem hann tók þátt í Drauma-seríunum sem gerast víðs vegar um heiminn. 

Frétt af mbl.is

„Þrír í gír“ í Þýskalandi

Frétt af mbl.is

Steindi, Auddi og Gillz stofna hlutafélag