Söng- og leikkonan Jennifer Lopez virðist vera að senda sterk skilaboð til eiginmanns síns, Ben Affleck, þar sem hún deilir myndbandsklippu úr lagi sínu Cambia el Paso sem hún gaf út árið 2021. 

Lagið er grípandi sumarsmellur þar sem Lopez syngur textann að mestu á spænsku. Ef hluti af textanum er þýddur yfir á íslensku syngur hún meðal annars: „Lífið hennar er betra núna án hans, hún þarf engan til að líða vel og hún tapar ekki.“

Í myndbandinu má sjá Lopez velta sér um í sandinum á sólarströnd, klædd brjóstahaldara þakinn demöntum og í gallastuttbuxum. Söngkonan býr greinilega yfir miklum liðleika en hún tekur meðal annars glæsilegt splitt undir einu pálmatrénu í myndbandinu.

Fjölmargir fylgjendur Lopez sýndu söngkonunni stuðning með því að skrifa hvetjandi skilaboð undir myndbandið. Flest hvöttu þau hana til að halda áfram að syngja og dansa sama hvað dyndi á í lífinu. 

Page six

Frétt af mbl.is

Njóta lífsins hvort í sínu lagi og hjónabandið búið

Frétt af mbl.is

Jennifer Lopez einsömul á Ítalíu