Ellen DeGeneres, leikkona, uppistandari og fyrrum spjallþáttastjórnandi, segist vera búin að fá sig fullsadda á frægðinni.

DeGeneres, sem skaust upp á stjörnuhimininn fyrir hartnær 40 árum síðan, tilkynnti nýverið að hún ætli að hætta í skemmtanabransanum og stíga úr sviðsljósinu að loknum Bandaríkjatúr, en hún hefur verið á ferðalagi með uppistand, titlað Ellen’s Last Stand...Up, síðustu vikur. Þann 17. ágúst stígur DeGeneres á svið í síðasta sinn.

DeGeneres var spurð um framtíðaráform á uppistandssýningu hennar í Santa Rosa í Kaliforníu á dögunum og sagðist hún tilbúin til að hefja nýjan kafla í lífi sínu.

„Þetta er í síðasta sinn sem þið sjáið mig,” sagði DeGeneres við forvitinn áhorfanda í salnum. 

Frétt af mbl.is

Ellen DeGeneres hættir

Spjallþáttur DeGeneres, The Ellen DeGeneres Show, kvaddi skjáinn í maí 2022 eftir 19 ár í sýningu.