Barack Obama, fyrrverandi Bandaríkjaforseti, sendi Donald Trump forsetaframbjóðanda batakveðjur fyrir hans hönd og Michelle, eiginkonu hans.

Frétt af mbl.is

Myndskeið: Trump skotinn

Fjöldi þjóðarleiðtoga hafa for­dæmt árás­ina og sent Trump bata­kveðjur, þar á meðal Olaf Scholz Þýska­landskansl­ari, Emm­anu­el Macron Frakk­lands­for­seti, Gi­orgia Meloni, for­sæt­is­ráðherra Ítal­íu, Benja­mín Net­anja­hú, for­sæt­is­ráðherra Ísra­els, og Kier Star­mer, for­sæt­is­ráðherra Bret­lands. 

Frétt af mbl.is

Starmer brugðið yfir árásinni

„Það er algjörlega enginn staður fyrir pólitískt ofbeldi í okkar lýðræði,“ tísti Obama, en Trump tók við af honum í embætti árið 2017.

„Þó að við vitum enn ekki hvað nákvæmlega gerðist ætti okkur öllum að vera létt að Trump fyrrverandi forseti særðist ekki alvarlega og við ættum að nota þessa stund til þess að skuldbinda okkur við að sýna kurteisi og virðingu í stjórnmálunum okkar. Við Michelle óskum honum góðs bata.“

Frétt af mbl.is

Biden: Þakklátur að Trump lifði af

Joe Biden, sem tók við af Trump í embætti, ræddi við Trump símleiðis í gærkvöldi. 

Þá sagði í yfirlýsingu Bidens að hann væri þakklátur að heyra að Trump væri á lífi. Hann fordæmdi árásina og sagði að það væri enginn staður fyrir ofbeldi í Bandaríkjunum.