Leikarinn Johnny Depp er kominn með nýja konu upp á arminn. Sú heppna heitir Yulia Vlasova og er rússnesk fyrirsæta og snyrtifræðingur. 

Töluverður aldursmunur er á parinu en Depp er 61 árs á meðan Vlasova er aðeins 28 ára að því fram kemur á vef ET. „Þau hafa þekkt hvort annað í nokkur ár og hittast þegar þau geta,“ sagði heimildarmaður sem tók það fram að þau væru ekki formlega saman. 

Fram kemur á vef Daily Mail að Vlasova hafi aðsetur í Prag í Tékklandi þar sem hún rekur meðal annars snyrtistofu auk þess að starfa sem fyrirsæta og áhrifavaldur. Á hún að hafa hitt leikarann fyrst í Prag árið 2001 en þá var hann staddur í borginni til þess að vera viðstaddur kvikmyndahátíð.