Raunveruleikastjarnan Kourtney Kardashian Barker hefur nú opnað sig um áskoranirnar sem fylgja því að sinna ungabarni á meðan hún gerir sitt besta til að vera til staðar fyrir eldri börn hennar og eiginmanns hennar, Travis Barker, sem eru sex talsins. 

Í nýjasta þætti The Kardashians talar hún um stressið sem fylgir því að finna jafnvægi í fjölskyldulífinu eftir að sonur hennar Rocky Thirteen kom í heiminn í nóvember í fyrra. Fyrir átti hún börnin Mason, Penelope og Reign með fyrrverandi kærasta sínum, Scott Disick, en Barker átti líka þrjú börn, þau Anitu, Landon og Alabama, úr fyrra hjónabandi. 

„Ég á börn á allskonar aldri þannig að ég reyni að búa til tíma fyrir gæðastundir með þeim öllum í sitthvoru lagi. Ég vil ekki missa af neinu. Mér líður eins og það er verið að tosa í mig úr mörgum mismunandi áttum því mig langar að vera allstaðar,“ segir Kourtney Kardashian.