Helgi Jónsson, ritstjóri Glatkistunnar, segist lengi hafa íhugað að loka miðlinum fyrir fullt og allt.

Glatkistan er einn umfangsmesti gagnagrunnur um íslenskt tónlistarlíf og sögu þess sem finna má í netheimum.

Vefsíðan fagnar tíu ára afmæli í haust en verkefnið er hugarfóstur Helga og er alfarið unnið í hans sjálfboðavinnu. Tímakaupið er fyrir vikið lágt.

„Ég væri alveg til í að bera eitthvað úr býtum,“ segir Helgi í Dagmálum.

Tónar sem mega ekki týnast

Heiðursverðlaun sannfærðu hann um að halda áfram

Hann hafði í raun lengi velt því fyrir sér að hætta þessari vinnu. 

En þegar Helgi hlaut heiðursverðlaun á degi íslenskrar tónlistar síðasta haust ákvað hann að halda áfram aðeins lengur. Þá hafi hann einnig nýlega hlotið styrk úr Íslenskum tónlistarsjóði, sem er einnig ákveðin hvatning.

„Hvað sjálfan mig varðar myndi ég taka þá ákvörðun sjálfur og ég myndi ekkert sjá eftir henni. En að sjálfsögðu yrðu einhverjir aðrir svekktir yfir því,“ segir hann.

Frétt af mbl.is

„Þar af leiðandi varð þetta að einhverju skrímsli“