„Eftir 8 mánaða fjarveru höfum við björgunarsveitarfólk í Grindavík snúið til baka í björgunarsveitarhúsið okkar í Grindavík.“
„Eftir 8 mánaða fjarveru höfum við björgunarsveitarfólk í Grindavík snúið til baka í björgunarsveitarhúsið okkar í Grindavík.“
„Eftir 8 mánaða fjarveru höfum við björgunarsveitarfólk í Grindavík snúið til baka í björgunarsveitarhúsið okkar í Grindavík.“
Svona hefst færsla frá björgunarsveitinni Þorbirni á Facebook.
Aðsetur sveitarinnar var flutt til Reykjanesbæjar í kjölfar rýmingar í Grindavíkurbæ í nóvember á síðasta ári.
Í gærkvöldi mættu 30 félagar sveitarinnar til þess að flytja, þrífa, endurskipuleggja búnað og gera tilbúið fyrir næstu verkefni sveitarinnar, að því er segir í færslunni.
Tekið er fram að allir félagar sveitarinnar séu fluttir úr Grindavík. Nokkrir þeirra starfi í Grindavík á daginn en helmingur hópsins búi á Suðurnesjum.
„Þrátt fyrir þetta ætlum við að halda áfram að sinna útköllum og verkefnum en fyrst og fremst halda áfram okkar góða félagsstarfi í Grindavík,“ segir í færslu Þorbjarnar.