Bandaríska poppsöngkonan Katy Perry fékk heldur sérstaka beiðni frá einum aðdáenda sinna í opnu netspjalli (e. Q&A) á samfélagsmiðlasíðunni Instagram nýverið. Perry, sem fékk fjöldann allan af forvitnilegum spurningum um feril hennar og stjörnulífið, var einnig beðin um að lýsa „töfrasprota“ unnusta síns, breska leikarans Orlando Bloom. 

Perry, 39 ára, skellti upp úr þegar hún las skilaboðin og þurfti ekki að hugsa sig lengi um áður en hún svaraði. Söngkonan, best þekkt fyrir poppsmelli á við Roar, I Kissed a Girl, Firework og California Gurls, sagði Bloom uppfullan af töfrum. 

Perry og Bloom fögnuðu átta ára sambandsafmæli sínu í byrjun árs. Parið, sem á eina dóttur, kynntist í Golden Globe-eftirpartíi árið 2016 og trúlofaði sig þremur árum síðar.