J.D. Vance, varaforsetaframbjóðandi repúblikana, greindi frá því í ræðu sinni í gær að þegar amma hans lést hafi hún verið með 19 hlaðnar skammbyssur á víð og dreif um húsið.
J.D. Vance, varaforsetaframbjóðandi repúblikana, greindi frá því í ræðu sinni í gær að þegar amma hans lést hafi hún verið með 19 hlaðnar skammbyssur á víð og dreif um húsið.
J.D. Vance, varaforsetaframbjóðandi repúblikana, greindi frá því í ræðu sinni í gær að þegar amma hans lést hafi hún verið með 19 hlaðnar skammbyssur á víð og dreif um húsið.
Uppskar hann mikinn hlátur og klapp á landsfundi repúblikana í gærkvöldi þegar hann greindi frá þessu.
„Amma dó skömmu áður en ég fór til Íraks árið 2005 [í stríð]. Og þegar við fórum í gegnum dótið hennar fundum við 19 hlaðnar skammbyssur,“ sagði Vance og uppskar mikinn fögnuð.
„Málið er að þeim var komið fyrir út um allt húsið hennar, undir rúminu hennar, í skápnum hennar, í skúffunni með hnífapörum. Og við veltum fyrir okkur hvað væri í gangi. Og við áttuðum okkur á því að þegar hún var farinn að nálgast enda lífs síns, að þá gat amma ekki komist á milli staða auðveldlega.
Og því passaði þessi veikburða gamla kona upp á að sama hvar hún væri, væri hún innan handarlengdar við hvað sem hún þyrfti til að vernda fjölskylduna sína,“ sagði hann.
Vance átti erfiða æsku og þegar hann var í 10. bekk flutti hann til ömmu sinnar þar sem mamma hans var í mikilli neyslu.
Mikil fátækt var á heimili ömmu hans en hún gaf honum reiknivél og krafðist þess að hann stæði sig vel í skólanum.
Þó var ekki áfallalaust að búa hjá henni og sem dæmi skrifaði hann um það í bók sinni Hillbilly Elegy að einn daginn hafi amma hans kveikt í eiginmanninum sínum þar sem hann kom heim blindfullur, eins og oft áður. Hann slapp þó lifandi.
Síðar var gerð kvikmynd byggð á bókinni og geta Íslendingar með áskrift að streymisveitunni Netflix horft á hana.