Bandaríska leikkonan Natalie Portman hefur opnað sig um það hvernig söngkonan Rihanna hjálpaði henni í gegnum erfiðan skilnað við fyrrverandi eiginmann sinn Benjamin Millepied.

Skilnaður Portman og Millepied var frágenginn í febrúar á þessu ári en þær Portman og Rihanna hittust á tískuvikunni í París í janúar. Þessi hittingur átti eftir að hafa mikil áhrif á Portman þar sem hún var enn stödd í miðjum skilnaði á þeim tímapunkti. 

Þegar þær hittust hvatti Rihanna hana áfram, sagði að hún væri ein af heitustu skvísunum í Hollywood og faðmaði hana innilega. Portman var þá algjörlega með stjörnurnar í augunum og sagðist vera stór aðdáandi Rihönnu enda hlusti hún mikið á tónlistina hennar.

„Ég held að allar konur sem ganga í gegnum skilnað ættu að fá Rihönnu til að segja sér að þær séu heitustu skvísurnar,“ sagði Portman í viðtali við sjónvarpsstjörnuna Jimmy Fallon í spjallþætti hans The Tonight Show.

People