Við Laufásveg í Reykjavík er að finna afar sjarmerandi eign sem telur 212 fm. Íbúðin er staðsett í fögru fjölbýlishúsi sem reist var árið 1969. 

Arkitektar hússins voru Gísli Halldórsson, sem teiknaði hús á borð við Laugardalshöllina og Tollhúsið, og Hörður Bjarnason, fyrrverandi húsameistari ríkisins. 

Falleg hönnun einkennir húsið. Ljósmynd/Af fasteignavef mbl.is

Íbúðin er afar björt með fallegum húsmunum. Ljósmynd/Af fasteignavef mbl.is

Klassísk og tímalaus hönnun sem gleður augað

Heimilið hefur verið innréttað á sjarmerandi máta og er búið fögrum húsmunum og listaverkum. Klassísk og tímalaus hönnun að njóta sín í íbúðinni þar sem gamalt og nýtt er í bland og skapar skemmtilegan karakter. 

Alls eru þrjú svefnherbergi og tvö baðherbergi í íbúðinni. Þá er óskað eftir tilboði í eignina, en fasteignamatið er 119.700.000 krónur og brunabótamatið 89.250.000 krónur. 

Sjá á fasteignavef mbl.is: Laufásvegur 47

Fallegur gluggi í eldhúsinu setur svip sinn á rýmið. Ljósmynd/Af fasteignavef mbl.is

Í íbúðinni má sjá klassíska og tímalausa hönnunarmuni víða. Ljósmynd/Af fasteignavef mbl.is