Uppreisnarhópur Húta í Jemen hefur lýst ábyrgð á drónaárás á Tel Avív í Ísrael í nótt.
Uppreisnarhópur Húta í Jemen hefur lýst ábyrgð á drónaárás á Tel Avív í Ísrael í nótt.
Uppreisnarhópur Húta í Jemen hefur lýst ábyrgð á drónaárás á Tel Avív í Ísrael í nótt.
Hútar réðust á íbúðablokk og lést einn Ísraeli og fjórir aðrir særðust.
Hútar, sem studdir eru af klerkastjórninni í Íran, notuðust við nýja tegund af dróna sem þeir nefna Yafa og á hann að geta komist hjá loftvörnum Ísraelsmanna, að sögn talsmanns Húta.
„Hér fara Ísraelsmenn að vinna. Hér fara ferðamenn á ströndina eða versla. Hér er hægt að fá sér kaffi og njóta föstudagsmorgna í Tel Avív. Hér er þar sem íranskur dróni frá Jemen flaug á íbúðabyggingu,“ segir í færslu ísraelska hersins sem sýnir hvar sprengingin varð og nærumhverfið.
Hútar hóta því nú að gera Tel Avív að lykilskotmarki eftir að hafa hingað til aðallega ráðist á flutningaskip á Rauðahafi. Byrjuðu þeir þeim árásum til stuðnings hryðjuverkasamtakanna Hamas.
Segja Hútar að þeir muni halda áfram árásum sínum þar til Ísrael hættir stríði sínu við Hamas.