Tónlistarkonan Laufey Lín Bing Jónsdóttir steig á svið ásamt bandaríska leik- og söngvaranum Ben Platt í Los Angeles á laugardagskvöldið.

Platt, þekktastur fyrir leik sinn á Broadway og í kvikmyndum á borð við Pitch Perfect, Dear Evan Hansen og The People We Hate at the Wedding, fékk Laufeyju til að flytja með sér lagið My Funny Valentine úr söngleiknum Babes In Arms, sem frumsýndur var í Shubert-leikhúsinu í New York árið 1937. 

Platt hefur verið á tónleikaferðalagi um gjörvöll Bandaríkin síðustu vikur og mánuði og fengið marga góða gesti á svið til sín. Má þar nefna Jennifer Hudson, Kristen Bell, Tori Kelly, Nicole Scherzinger og Meghan Trainor.

Söngvarinn deildi myndskeiði af lagaflutningi hans og Laufeyjar á Instagram í gærdag og hefur hann vakið mikla hrifningu.