Bandaríski grínistinn Pete Davidson er ekki alveg tilbúinn að sleppa hendinni af kannabis. Davidson, sem gerði garðinn frægan í Saturday Night Live, hefur unnið hörðum höndum síðustu mánuði við að losa sig við fíknina og hætta neyslu eiturlyfja. Hann ræddi um bataferlið á uppistandssýningu sinni í Atlantic City á laugardag.
Bandaríski grínistinn Pete Davidson er ekki alveg tilbúinn að sleppa hendinni af kannabis. Davidson, sem gerði garðinn frægan í Saturday Night Live, hefur unnið hörðum höndum síðustu mánuði við að losa sig við fíknina og hætta neyslu eiturlyfja. Hann ræddi um bataferlið á uppistandssýningu sinni í Atlantic City á laugardag.
Bandaríski grínistinn Pete Davidson er ekki alveg tilbúinn að sleppa hendinni af kannabis. Davidson, sem gerði garðinn frægan í Saturday Night Live, hefur unnið hörðum höndum síðustu mánuði við að losa sig við fíknina og hætta neyslu eiturlyfja. Hann ræddi um bataferlið á uppistandssýningu sinni í Atlantic City á laugardag.
„Ég get ekki hætt að reykja kannabis, ekki strax,“ sagði Davidson er hann taldi upp helstu vímuefni sem hann hefur neytt í gegnum árin. „Ég tók inn kókaín, ketamín og alls kyns pillur og drasl. Allt sem er eftir er kannabis. Þetta er allt að koma en ég ætla að halda í kannabisið örlítið lengur,“ sagði Davidson við mikinn fögnuð áhorfenda.
Davidson, sem þjáist af jaðarpersónuleika- og áfallastreituröskun, sækir endurhæfingu og meðferðarþjálfun reglulega í þeirri von að endurstilla hugarfarið, finna andlegt jafnvægi og sömuleiðis taka sér andlegt hlé frá óreiðukenndu lífi sínu í Hollywood.