Kate Tomas, kærasta bandaríska leikarans Andrew Garfield, þvertekur fyrir að hafa beitt göldrum til að tæla leikarann. 

Tomas, sem starfar sem töfralæknir og norn, heldur regluleg námskeið í tælingum og er einnig með hlaðvarpsþáttinn The Friday Emails þar sem hún ræðir ýmis andleg málefni. 

Í nýjasta þætti hlaðvarpsins viðurkenndi Tomas að hafa neyðst til að taka námskeið sín úr sölu vegna ásakana um að hún hafi lagt álög á Garfield. Tomas segir galdra ekki spila rullu í sambandi hennar og Garfield en eins og segir í lagi Bubba Morthens, Við Gróttu: „Og hjartað hvíslar ástin er göldrótt“. 

Frétt af mbl.is

Köngulóarmaðurinn heillaður af töfralækni

Samband Garfield, 40 ára, og Tomas, 42 ára, er fremur nýtt af nálinni en parið sást njóta kvöldverðar á franska veitingastaðnum Zinqué í Malibu í apríl.

Garfield hef­ur reynt eft­ir fremsta megni að halda einka­lífi sínu fjarri sviðsljós­inu, en sam­band hans og leik­kon­unn­ar Emmu Stone vakti mikla at­hygli á sín­um tíma. Garfield og Stone, sem kynnt­ust við gerð kvik­mynd­ar­inn­ar The Amaz­ing Spi­derm­an, voru sam­an í fimm ár. Sam­bandi þeirra lauk 2015.

Leik­ar­inn hef­ur einnig verið orðaður við Ritu Ora og Phoe­be Dynevor.