Menntamálaráðuneytið hefur um nokkurra ára skeið látið hjá líða að skila skýrslu um framkvæmd skólastarfs í grunnskólum landsins.
Menntamálaráðuneytið hefur um nokkurra ára skeið látið hjá líða að skila skýrslu um framkvæmd skólastarfs í grunnskólum landsins.
Menntamálaráðuneytið hefur um nokkurra ára skeið látið hjá líða að skila skýrslu um framkvæmd skólastarfs í grunnskólum landsins.
Ráðuneytið á lögum samkvæmt að leggja slíka skýrslu fram á Alþingi á þriggja ára fresti, en gerði það síðast í febrúar árið 2019 og tók skýrslan til skólaáranna 2010-2016.
Umboðsmaður barna varpar ljósi á þetta í bréfi til Ásmundar Einars Daðasonar, mennta- og barnamálaráðherra, þar sem ráðherrann er krafinn svara. Ráðherrann var minntur á skýrsluskilin í apríl árið 2022 og lofaði þá að skila fyrir lok þess árs.
Bréf umboðsmanns fylgir í kjölfar umfjöllunar Morgunblaðsins og mbl.is um menntamál undanfarnar vikur, þar sem einna helst hefur verið gagnrýnt að nær ekkert samræmt námsmat sé lengur að finna í grunnskólum landsins.
Arnór Guðmundsson, fyrrverandi forstjóri Menntamálastofnunar til sjö ára, segir í samtali við Morgunblaðið í dag að við blasi að gæðamálum í íslensku menntakerfi sé mjög ábótavant.
„Við þurfum ekki annað en að horfa á niðurstöður PISA-kannana til þess að sjá það,“ segir Arnór.
„Á sama tíma er sérstakt að það er ekkert kerfisbundið náms- og gæðamat í gangi. Við erum ekki með samræmd próf. Eini mælikvarðinn sem við höfum er PISA.“