Uppskriftir | 27. júlí 2024
Sykurlausir og seðjandi kasjúíspinnar
Hildur Ómarsdóttir, matarbloggari og grænkeri, töfrar reglulega fram gómsæta og kræsilega grænkerarétti sem hitta alltaf í mark. Hún leitar gjarnan innblásturs á samfélagsmiðlum og gerði girnilega kasjúíspinna með vanillu og pistasíuhnetum eftir að hafa rekist á ótal myndir á Instagram af ís og súkkulaði.
Sykurlausir og seðjandi kasjúíspinnar
Uppskriftir | 27. júlí 2024
Setja bókamerki
Hildur Ómarsdóttir, matarbloggari og grænkeri, töfrar reglulega fram gómsæta og kræsilega grænkerarétti sem hitta alltaf í mark. Hún leitar gjarnan innblásturs á samfélagsmiðlum og gerði girnilega kasjúíspinna með vanillu og pistasíuhnetum eftir að hafa rekist á ótal myndir á Instagram af ís og súkkulaði.
Hildur Ómarsdóttir, matarbloggari og grænkeri, töfrar reglulega fram gómsæta og kræsilega grænkerarétti sem hitta alltaf í mark. Hún leitar gjarnan innblásturs á samfélagsmiðlum og gerði girnilega kasjúíspinna með vanillu og pistasíuhnetum eftir að hafa rekist á ótal myndir á Instagram af ís og súkkulaði.
Kasjúíspinnarnir eru sykurlausir og seðjandi.
Kasjúíspinnar með vanillu og pistasíuhnetum
- 1,50 dl kasjúhnetur
- 1,50 dl pistasíuhnetur
- 6 stórar medjoul-döðlur (má skipta út fyrir hlynsýróp)
- 1 stk. dós af kókosmjólk
- 3/4 tsk vanilluduft
- Dökkt súkkulaði
- Salt og pistasíuhnetur til að skreyta
Aðferð:
- Byrjið á að láta kasjúhneturnar liggja í bleyti í nokkra klukkutíma (viðmið sex klukkustundir).
- Hellið vatninu af hnetunum og setjið hneturnar, döðlurnar (ath! þarf að steinhreinsa), vanillu og kókosmjólk í blandara og blandið þar til áferðin er orðin slétt.
- Hellið blöndunni í íspinnaform og komið fyrir inni í frysti þar til þeir frosna.
- Bræðið súkkulaði yfir vatnsbaði og hjúpið íspinnana með súkkulaði. Toppið íspinnana með smá salti og muldum pistasíuhnetum. Súkkulaðið storknar um leið.
- Ef þið klárið íspinnana ekki um leið þá geymast þeir í frysti í dágóðan tíma. Best er að láta þá þiðna í nokkrar mínútur eftir að þeir eru teknir úr frystinum til að finna fyrir mjúkri áferð.
/frimg/1/50/41/1504146.jpg)
