Ísland er í miklu uppáhaldi hjá breska stjörnukokkinum Gordon Ramsay. Hann hefur heimsótt landið oftar en einu sinni og talar ávallt fallega um upplifun sína af landi og þjóð.

Stjörnukokkurinn deildi skemmtilegri myndaseríu á Instagram-síðu sinni fyrr í dag þar sem hann meðal annars montaði sig af stærðarinnar laxi sem hann landaði. 

„Ótrúleg vika á Íslandi! Og já, ég veiddi stærsta laxinn á þessu ári,“ skrifaði Ramsay við færsluna. 

Ramsay birti einnig tvær myndir frá veitingastaðnum OTO á Instagram Story. Hann hrósaði matnum og þjónustunni í hástert. Er þetta annað árið í röð sem Ramsay snæðir á veitingastaðnum. 

Stjörnukokkurinn var sérstaklega hrifinn af humar cappelletti. 

Ramsay er mjög hrifinn af matnum á OTO. Skjáskot/Instagram

Frétt af mbl.is

Gordon Ramsay borðaði aftur á OTO