Sara Ósk Jóhannsdóttir hefur alla tíð haft mikinn áhuga á öllu sem við kemur hreyfingu. Hún æfði handbolta á sínum yngri árum en varð heilluð af hlaupum eftir að hún setti handboltaskóna á hilluna. 

Sara er búsett í Óðinsvé í Danmörku þar sem hún mun hefja framhaldsnám í klínískri sálfræði í haust. Hún hefur verið dugleg að taka þátt í hinum ýmsu keppnishlaupum að undanförnu, bæði á Íslandi og erlendis, en hún sagði frá hlaupavegferð sinni í viðtali á Smartlandi fyrr í sumar. 

Frétt af mbl.is

„Það skiptir miklu máli að vera með sterkan haus í hlaupum“

Snöggar og auðveldar máltíðir í uppáhaldi fyrir æfingar

Sara Ósk deilir hér tveimur uppskriftum sem eru í miklu uppáhaldi hjá henni fyrir hlaupaæfingar. 

„Ég fæ mér oftast eitthvað snöggt og auðvelt að borða fyrir hlaupaæfingar. Það getur meðal annars verið hafragrautur með chia fræjum og hnetusmjöri, egg og kotasæla, hrískökur með hnetusmjöri og bönunum eða bollur sem ég bý sjálf til með einhverskonar áleggi,“ segir hún. 

Bollurnar eru frábærar fyrir hlaupaæfingar að sögn Söru.