Katla | 31. júlí 2024
Telur bændurna hafa rétt fyrir sér
„Ef það hefði verið gert þá, þá kannski væri allt gott núna en sú ákvörðun var ekki tekin af mér. Það voru einhverjir sem ákváðu að gera það ekki,“ segir Ágúst Freyr Bjartmarsson, yfirverkstjóri Vegagerðarinnar í Vík, um framkvæmdir sem bændur í Álftaveri vildu fá þegar Leirá breytti um farveg fyrir hartnær þrjátíu árum síðan.
Telur bændurna hafa rétt fyrir sér
Katla | 31. júlí 2024
Setja bókamerki
„Ef það hefði verið gert þá, þá kannski væri allt gott núna en sú ákvörðun var ekki tekin af mér. Það voru einhverjir sem ákváðu að gera það ekki,“ segir Ágúst Freyr Bjartmarsson, yfirverkstjóri Vegagerðarinnar í Vík, um framkvæmdir sem bændur í Álftaveri vildu fá þegar Leirá breytti um farveg fyrir hartnær þrjátíu árum síðan.
„Ef það hefði verið gert þá, þá kannski væri allt gott núna en sú ákvörðun var ekki tekin af mér. Það voru einhverjir sem ákváðu að gera það ekki,“ segir Ágúst Freyr Bjartmarsson, yfirverkstjóri Vegagerðarinnar í Vík, um framkvæmdir sem bændur í Álftaveri vildu fá þegar Leirá breytti um farveg fyrir hartnær þrjátíu árum síðan.
Telja bændurnir og Ágúst að skaði jökulhlaupsins á laugardag hefði verið minni hefði hlaupið fylgt upprunalegum farvegi árinnar.
Í viðtali við mbl.is í gær sagði Jóhannes Gissurarson, bóndi á Herjólfsstöðum og oddviti í Skaftárhreppi, að leitað hafi verið á náðir stofnanna landsins, nánar tiltekið Vegagerðina og Landgræðslu, þegar breytingar urðu á farvegi Leirár og hún tók að færa sig ofan í Skálmina.
„Sú breyting sem varð á Leirá á þeim tíma, hún verður þess valdandi að hlaupið kemur niður í Skálm. Hlaupið sjálft kemur eftir farvergi Leirár undan jökli. Hefði hún verið við sinn venjubundna farveg þá hefði þetta ekki náð niður í Skálm heldur upp í Hólmsá og þaðan í Kúðafljót,“ sagði Jóhannes í samtali við blaðamann í gær.
Ákvörðun tekin að aðhafast ekki í ánni
Í samtali við mbl.is segir Águst að líklega sé þetta rétt hjá bóndanum.
„Ég veit það að ef þetta hefði farið í Hólmsá hefði verið minni skaði. Það er miklu stærri brú þar,“ segir Ágúst og bætir við.
„Þetta er einhver upplifun sem þeir hafa í áratugi haft.“
Minnist yfirverkstjórinn að umræður hafi verið á borði fyrir einhverjum árum.
„Það höfðu verið umræður og þá var farið í einhverja skýrslugerð. Minnir eins og Magnús Tumi [Guðmundsson jarðfræðingur] og þeir hafi verið í því. Eitthvað var það sem þeir ákváðu sem ég veit ekki alveg hvað var.“
Segir Águst að erfitt væri að fara í framkvæmdirnar í dag. Hefði það öllu heldur þurft að gerast fyrir um 20-30 árum. Segir hann þó að mikilvægasta í stöðunni í dag sé að einbeita sér að hvað sé hægt að gera núna.
„Það er hvað getum við gert núna sem ég vill finna út úr og sem að skiptir máli.“
/frimg/1/39/92/1399244.jpg)
/frimg/6/57/657796.jpg)
